ികുതി കുടിശ്ശിക വരുത്തിയതി് ജര്‍മ്മിയില്‍ കോടികളുടെ ലക്ഷ്വറി കാറുകള്‍ ജപ്തി ചെയ്തു

വിയേണ്‍ഹൈം (ഹെസ്സന്‍): ജര്‍മ്മനിയില്‍ നികുതി വെട്ടിപ്പുകാര്‍ക്കും കുടിശ്ശിക വരുത്തുന്നവര്‍ക്കുമെതിരെ നടപടികള്‍ അതീവ കര്‍ശനമാക്കി ധനകാര്യ വകുപ്പ് (Finanzamt). ഹെസ്സന്‍ സംസ്ഥാനത്തെ വിയേണ്‍ഹൈമിലുള്ള ഒരു വ്യാവസായിക മേഖലയില്‍ (Gewerbegebiet) കഴിഞ്ഞ ദിവസം നികുതി അന്വേഷണ ഉദ്യോഗസ്ഥര്‍ (Steuerfahnder) നടത്തിയ മിന്നല്‍ പരിശോധനയില്‍ കോടിക്കണക്കിന് രൂപ വിലമതിക്കുന്ന ആഡംബര സൂപ്പര്‍ കാറുകള്‍ പിടിച്ചെടുത്തു.

രണ്ട് സാധാരണ വെയര്‍ഹൗസുകളില്‍ ഒളിപ്പിച്ചിരുന്ന അവസ്ഥയിലായിരുന്നു ഈ ആഡംബര വണ്ടികള്‍. നിലവിലെ വിപണി മൂല്യമനുസരിച്ച് പിടിച്ചെടുത്ത കാറുകള്‍ക്ക് ആകെ 1 മില്യണ്‍ യൂറോയിലധികം (ഏകദേശം 9.3 കോടി രൂപ) വിലവരും.

റോള്‍സ് റോയ്സും ഫെരാരിയും ഇനി ഫിനാന്‍സ് വകുപ്പിന് സ്വന്തം; വില്ലനായത് നികുതി കുടിശ്ശിക:

നികുതി വകുപ്പ് ഉദ്യോഗസ്ഥരും വലിയ ടോവിങ് ട്രക്കുകളും (അയരെവഹലുുംമഴലി) വിയേണ്‍ഹൈമിലെ ഗോട്ട്ലീബ്~ഡെയ്ംലര്‍ സ്ട്രീറ്റിലേക്ക് ഇരച്ചെത്തിയത്. കനത്ത നികുതി കുടിശ്ശിക (Steuerschulden) വരുത്തിയതിനെ തുടര്‍ന്ന് ഉടമസ്ഥന്റെ വിലപിടിപ്പുള്ള സ്വത്തുക്കള്‍ കണ്ടുകെട്ടാനുള്ള നിയമപരമായ ഉത്തരവുമായാണ് ഉദ്യോഗസ്ഥര്‍ എത്തിയത്.

പിടിച്ചെടുത്ത പ്രധാന ലക്ഷ്വറി കാറുകള്‍:

റോള്‍സ് റോയ്സ് കള്ളിനന്‍ (RollsRoyce Cullinan): ഇതിന്റെ മാത്രം പുതിയ വില ഏകദേശം 3,90,000 യൂറോയ്ക്ക് (3.6 കോടി രൂപ) മുകളിലാണ്.
ആസ്ററണ്‍ മാര്‍ട്ടിന്‍ DB11 (Aston Martin): രണ്ട് ആസ്ററണ്‍ മാര്‍ട്ടിന്‍ കാറുകളാണ് പിടിച്ചെടുത്തത്. ഒന്നിന്റെ മാത്രം വില 1,90,000 യൂറോയില്‍ അധികമാണ്.

ഫെരാരി 458 ഇറ്റാലിയ (Ferrari 458 Italia): വിപണിയില്‍ 2,00,000 യൂറോയ്ക്ക് മുകളില്‍ വിലയുള്ള സൂപ്പര്‍ കാര്‍.

മെഴ്സിഡസ് GLE (Mercedes GLE): ഏകദേശം 90,000 യൂറോയ്ക്ക് മുകളില്‍ വിലമതിക്കുന്ന ആഡംബര എസ്യുവി.

അനക്കാന്‍ പറ്റാത്ത രീതിയില്‍ 'റെഡ് സീല്‍' പതിപ്പിച്ചു:

പരിശോധനയ്ക്ക് ശേഷം ഫ്രാങ്ക്ഫര്‍ട്ട് ചീഫ് ടാക്സ് ഓഫീസിന്റെ (Oberfinanzdirektion Frankfurt) ഒഫീഷ്യല്‍ 'റെഡ് സീല്‍' (Pf�ndungssiegel) എല്ലാ കാറുകളുടെയും വിന്‍ഡ്ഷീല്‍ഡില്‍ പതിപ്പിച്ചു. ജര്‍മ്മന്‍ നിയമപ്രകാരം ഈ സീല്‍ പതിപ്പിച്ച വാഹനങ്ങള്‍ പിന്നീട് അനക്കാനോ ഉപയോഗിക്കാനോ പാടില്ല. തുടര്‍ന്ന് ഉദ്യോഗസ്ഥര്‍ ഈ കാറുകളെല്ലാം ടോവിങ് ട്രക്കുകളില്‍ കയറ്റി സുരക്ഷിത കേന്ദ്രങ്ങളിലേക്ക് മാറ്റി.

യാതൊരുവിധ എതിര്‍പ്പുകളോ അനിഷ്ട സംഭവങ്ങളോ ഇല്ലാതെ അതീവ വേഗത്തിലാണ് ഉദ്യോഗസ്ഥര്‍ ജപ്തി നടപടികള്‍ പൂര്‍ത്തിയാക്കിയത്. കുടിശ്ശികയുള്ള നികുതിപ്പണം പൂര്‍ണ്ണമായി അടച്ചുതീര്‍ക്കാത്ത പക്ഷം ഈ ലക്ഷ്വറി കാറുകള്‍ ഗവണ്‍മെന്റ് ലേലത്തില്‍ വെച്ച് (അൗരശേീി) പണം ഈടാക്കാനാണ് സാധ്യത. ജര്‍മ്മനിയില്‍ ടാക്സ് നിയമങ്ങള്‍ ലംഘിച്ചാല്‍ എത്ര വലിയ കോടീശ്വരനാണെങ്കിലും രക്ഷയില്ലെന്ന് ഓര്‍മ്മിപ്പിക്കുന്നതാണ് ഈ കനത്ത നടപടി.